මේ කතාව තමන්ගෙ කෙනෙක්ගේ මරණයක් ගැන.
ඒක හරකෙක්. හන්දියේදී ලොරියක හැපිලා හරකා පාරේ.
ඒක බලාගෙන ඉඳපු චමින්ද පොලීසියට ගියා.
ගියත් පොලීසියේ හිටපු රිසර්ව් සාජන්ට මෙහෙම කිව්වා.
චමින්ද - සර් අර හන්දියෙ හරකෙක් මැරිලා.
රි.සා. – ඉතින් වළලනවකො.
චමින්ද - මං ආවේ පොලීසියට කියන්න.
රි.සා. – අයිසෙ හරකෙක් මළාම පොලීසියට කියන්නත් ඕනද. කට්ටිය එකතු වෙලා ඒකා වළලනවා.
ඒක අහගෙන ඉඳපු චමින්ද යන්න ගිහින් ආපහු හැරිලා බලාගෙන ඉන්නවා.
රි.සා. – අයිසේ මං දැන් දෙපාරක් කිව්වානේ. හරක වළලන්න කියල. පොලීසියට කියල වැඩක් නෑ.
චමින්ද- නෑ සර්. තමන්ගෙ කෙනෙක් මළාම දැනුම් දෙන එක හොඳයි නේ.
ඒකයි මම කියන්න ආවේ.